鉄人大盛 (已結業)

今晚同屋企人去左尖沙咀食放題，食7:45-9:45時段 $328，見到都好多一家大細去食。之前見到有d枱對住鐵板，而我就被安排在普通座位，環境偏暗。鐵板主題的放題店，當然要食鐵板燒物，新鮮燒，熱辣辣。有燒羊架、鯖魚、牛舌；特別推介燒翠肉瓜、菠蘿、雞肶菇，食完燒肉油膩野再食番d蔬果，好清新。炸物有芝麻雞翼、炸蝦同埋炸蠔，炸得都幾好。刺身點左赤貝、甜蝦、帶子同北寄貝，wasabi好攻鼻，好刺激！仲有冷盤，蟹子沙律同八爪魚，仲有d卷物同壽司揀。飲品種類繁多可以任飲，仲有可以任食haagen Dazs 雪糕，我食左咖啡味同香蕉味，好少見到的口味，好正啊！