龍門冰室 (已結業)

今日同個朋友去咗銅鑼灣行街，行完街之後就去咗燈籠街度搵嘢食，見到龍門冰室有得鋸扒，於是乎我就入咗去喇。噉我哋有兩個人，但係可以坐張四人枱。我叫咗個至尊海鮮鐵板餐，個鐵板餐裏邊包咗兩隻青口，帶子，蝦球，仲有龍利柳同埋魷魚圈啊，佢可以選擇配飯，意粉或者薯菜，我比較肚餓，噉我就揀咗飯，配茄汁，其實黑椒汁都係我嘅摯愛。其實呢個餐都幾豐富，可以食到幾款海鮮，價錢都係100元左右，另外仲包埋杯嘢飲。我朋友就點咗香蒜白酒蜆肉意粉，噉呢個餐會包埋餐湯，沙律同埋一杯嘢飲嘅，嗰個沙律其實都吾錯，佢有啲雜果，粟米再加埋啲沙律醬。如果鍾意食得清淡嘅朋友可以點呢個餐，大約坐咗一個半鍾我哋食完飯就走喇。