大快活 (康怡廣場北座)

營業中

休息中

最近咗報章報道，知道香港女生破解烏龍茶濃度能抑制前列腺癌細胞生長，研究發現，在烏龍茶濃縮液中，每毫升若有零點二五毫克的茶多酚，癌細胞存活率能減少達九成，但過淡會令存活率飆升一倍，過濃則不會產生抑制作用。見到大快話推出咗鑊仔大韓系列，用報紙 coupon 購買，送一支 250ml 道地極品清烏龍，於是決定今日中午就買嚟試吓。 揀咗一個鑊仔大韓牛 ($32) 及一個鑊仔大韓猪 ($30), 啲牛肉同豬肉，全部都好夠淋又夠入味，每份餐都配有煎蛋角、醬炒年糕同珍珠飯。雖然話係珍珠米，但係啲飯一粒粒，唔會黏埋一舊舊，塊炒年糕煙煙韌韌，都幾好味，不過啲配菜當然無廣告相片嗰啲咁靚，只係一堆椰菜，整體算唔錯，一試無妨。無糖烏龍茶未飲，唔知有無招紙上所寫嘅清香、清淡、解膩同回甘呢？但無論如何，醫學研究發現烏龍茶含有抗氧化劑，能增進骨質密度、強化記憶力，幫助降低體脂率，讓體脂分佈趨於正常，所以大家不妨多飲烏龍茶喇。