巨根小菜王 (已結業)

嗰日約咗朋友喺旺角食飯，見到朋友之後未諗到食乜，所以決定喺附近搵下。行經砵蘭街見到一間餐廳菜式啲名好特別，所以決定入去試下。由正宗水上人氣鍋專門店入，再上一樓。餐廳環境寬敞，環境光猛，座位舒適。餐牌菜式選擇多。粉葛湯，材料十足，而且十分鮮甜。酥炸池魚，魚厚肉，炸得透可以連骨吃十分香脆。啫啫嫩芥蘭煲，不油膩，芥蘭翠綠口感爽脆。瑤柱蛋白炒飯，炒飯乾身，配料同返比例恰到好處，而且飯粒分明。所有菜式份量十足，非常滿足。