味來中菜餐廳 (已結業)

星期日兩個人出去太子花墟一帶買嘢，行左一陣見肚餓，就揀咗間叫”味來中菜餐廳”食個午餐。餐廳位置喺大街轉角位，好易見到。門口有個大魚缸，不同的生猛海鮮同龍蝦餐廳裡面光猛，坐位寬敞，卡位令人坐得舒適，如果人多黎嘅話仲可以選擇大枱估唔到星期日都有午巿套餐，有小菜類同炒粉麵飯，好多選擇原來午巿仲可以叫其他小菜同海鮮，真係花多眼亂。我哋兩人一坐低都未嗌嘢食，待應已經送上兩碗冬瓜瘦肉湯，入口非常甜美1. 豉椒排骨炒麵跟熱飲($55)，炒麵上枱熱辣辣，好夠鑊熱。排骨同三色椒都超多，麵底炸到脆卜卜，午巿價錢確係抵食2. 蒜蓉粉絲蒸聖子皇($68 / 隻)，聖子皇真係超級大隻(真係超級長，目測有一把間尺咁長)。廚師蒸聖子嘅時間剛剛好，食落鮮甜爽口彈牙，加上粉絲勁多，吸晒聖子嘅鮮味同蒜香，真心推介必食。整體來講，餐廳位置方便，價錢實惠夾西今，加上食物質素高，夠鑊氣，快閃食飽後仲可以去花墟買嘢，值得一試再試