世華餐廳 (已結業)

以前經開尖沙咀都會食下世華餐廳嘅扒餐，今日經過發現原來佢已經變咗做中餐小菜。我們一家就決定上去試一試。呢度地方舒適，地方闊落又較大。紙巾、濕紙巾等等一應俱全讚。呢度小菜嘅款式算幾多，我哋四個人一共叫咗六個餸。熱辣辣嘅牛柳配上鐵板保存着溫度，黑椒味濃，配菜都勁好食，牛肉肉質嫩滑白飯魚煎蛋依家唔係間間餐廳都會有，見到有梗係立即叫黎食下啦，蛋煎得剛剛好，白飯魚配蛋真係絕配，送飯一流。沙嗲汁配上粉絲勁入味，勁好味，加上蝦肉爽口，呢個餸菜我老婆最愛。茄子魚香味濃，肉碎送飯超正，茄子非常好食夠晒淋，食到停唔到口。小炒王食落又脆又軟嘅口感，非常嘢味。送飯送酒一流。全晚最愛呢未餸，辣子雞辣味剛剛好，雞肉鮮嫩，小小麻，真係食完一粒又一粒，好快就俾我哋清哂，有諗過再叫多次，但我哋已經好飽。 總結：呢度嘅小菜出色、好味、鑊氣十足。加上價錢又唔係貴，值得推介。