大灰熊廚房 (裝修中)

將軍澳親戚之前有提過呢間私房菜，今次探完佢哋終於扚起心肝book枱同老公去試吓，兩人有優惠套餐$228，所有小菜都唔使補錢可以揀兩碟，揀咗餐牌有手指公嘅兩款招牌，分別係千島蝦球同拔絲咕嚕肉落單之後上菜都好快，首先送上一人一碗湯，粟米豆腐羹好滑好清甜小菜都好快炒好，幾有鑊氣份量又多，兩款都酸酸甜甜係白飯殺手另外叫咗兩款餐前小食，分別係好多人食嘅椒鹽粟米同黃金豆腐粒， $38一碟又唔算好抵食不過真係好好食，炸得唔會太油膩，豆腐外脆內軟，椒鹽粟米粒輕輕一咬就甩出嚟，鹹鹹甜甜真係好開胃質素唔錯，下次可以考慮過嚟食私房菜，四位起就可以自訂餐單，另外有八位起嘅私人到會