影片
更多
2024-08-15
77 瀏覽
我自己都幾鍾意去試唔同嘅居酒屋，覺得同朋友飲吓酒傾吓心事成件事好舒服，而居酒屋就有呢一個咁chill嘅氣氛，又唔會話趕你走，可以慢慢坐慢慢食。而家賀屋啲刺身真係好唔錯，識得出係真係好新鮮，下次再去應該會主打食刺身。‣ 特選海鮮丼定食 $368作為貪心嘅人嗌呢一個就真係完美，唔知有冇寫漏，但應該有三文魚、拖羅、赤身、鯛魚、吞拿魚蓉、海膽、三文魚子、赤蝦、赤貝、油甘魚、魷魚同埋鮑魚。每一件刺身食得出係真係超級新鮮，一啲都唔會腥，連最容易出事嘅海膽都相當甘甜。我自己最鍾意佢嘅飯底係用赤醋，食落相當香，食完就覺得下次應該嗌多啲刺身。而呢個套餐仲有包麵豉湯、沙律同日式燉蛋，茶碗蒸嘅蛋整得相當好，相當滑溜。‣ 青龍 $88我自己對於炸蝦卷係有份執着，見到就會想嗌，而家賀屋嘅青龍都真係好啱我口味。炸蝦炸到啱啱好，擺入口都唔會覺得好油膩，外層包住紫菜碎，加埋蟹子一齊食真係更添風味。而我幾鍾意佢有啲蛋黃醬係底，唔多唔少啱啱好，呢個點綴令到個青龍都冇咁寡。‣ 炸軟殼蟹 $75佢嘅炸軟殼蟹真係大大隻，而且我覺得佢嘅清潔都做得好好，唔會咬到啲腮或者食落口覺得有啲苦澀味。如果擔心唔夠飽嘅話仲可以嗌佢嘅牛油果軟殼
‣ 特選海鮮丼定食 $368
作為貪心嘅人嗌呢一個就真係完美，唔知有冇寫漏，但應該有三文魚、拖羅、赤身、鯛魚、吞拿魚蓉、海膽、三文魚子、赤蝦、赤貝、油甘魚、魷魚同埋鮑魚。每一件刺身食得出係真係超級新鮮，一啲都唔會腥，連最容易出事嘅海膽都相當甘甜。我自己最鍾意佢嘅飯底係用赤醋，食落相當香，食完就覺得下次應該嗌多啲刺身。而呢個套餐仲有包麵豉湯、沙律同日式燉蛋，茶碗蒸嘅蛋整得相當好，相當滑溜。
‣ 青龍 $88
我自己對於炸蝦卷係有份執着，見到就會想嗌，而家賀屋嘅青龍都真係好啱我口味。炸蝦炸到啱啱好，擺入口都唔會覺得好油膩，外層包住紫菜碎，加埋蟹子一齊食真係更添風味。而我幾鍾意佢有啲蛋黃醬係底，唔多唔少啱啱好，呢個點綴令到個青龍都冇咁寡。
‣ 炸軟殼蟹 $75
佢嘅炸軟殼蟹真係大大隻，而且我覺得佢嘅清潔都做得好好，唔會咬到啲腮或者食落口覺得有啲苦澀味。如果擔心唔夠飽嘅話仲可以嗌佢嘅牛油果軟殼蟹卷，見到隔離枱嗌都覺得好吸引。
‣ 芝麻雞軟骨 $58
作為一個好鬼鍾意食雞軟骨嘅人，見到佢係「芝麻」，覺得幾特別忍唔住嗌。老實講芝麻味就唔算好重，但係個雞軟骨炸得相當好食，咁配角還配角，主角好食我就no say了。
‣ 西京平目魚 $85
食放題嘅時候都好鍾意嗌，但係係居酒屋食嘅時候，明顯食得出個質素同放題好唔一樣。魚肉滑嫩得嚟，你係食得出魚油嘅香，而且都真係大大份。當然仲有蛋黃醬喺隔離，搭配一齊食個味道又會唔一樣，飲住酒食真係會食上癮。
‣ 蜜桃碳酸酒 $45
呢個酒真係不得了，話到明係零糖零卡路里零脂肪，飲嘅時候覺得同平時飲嘅碳酸酒差唔多，你都飲得出係有甜味，但係個心入邊即刻少好多罪惡感。酒味唔算太濃，幾方便繼杯，所以真係啱晒聚會談心，有少少微醺之餘，又唔會影響到你嘅表達能力，超級超級超級推薦呢一款酒。
張貼
