一門 (已結業)

呢間位於銅鑼灣既食店，平日午餐係需要訂位，有時早啲去都可能剩返bar枱位置。午餐佢同平時餐廳差唔多，有丼飯、熟食、刺身同壽司等等，價錢介乎80-120，連湯同飲品。雖然價錢稍貴，但對比起普通連鎖店千両lunch set，或者佢用既材料，我覺得係價錢合理，亦都係佢長期要訂枱既原因。分別叫咗壽司set同埋照燒丼飯，個飯略嫌太多醬油，而壽司係正路野但係好食過千両。壽司set會有得配蕎麥面或者烏冬，一定夠飽。呢間舖頭上菜係上完食物先叫餐飲，有得揀樽裝汽水，而佢上綠茶或者檸檬茶，會有個茶壺奉上，可以慢慢飲坐低係度傾計。👍🏻