影片
更多
2025-01-08
508 瀏覽
朋友話銅鑼灣開咗間好特別嘅火鍋，就係呢間位於登龍街嘅去滾，因為個名實在太特別，所以我哋決定試吓。餐廳環境真係好舒服，好多特別嘅打卡位，餐廳裝潢偏古雅，但當中融合咗型格嘅元素，型格古風好有特色。餐廳嘅牌匾上面仲有啲好有gimmick嘅字眼，非常有趣👍湯底方面，我哋叫咗芫茜皮蛋豆腐湯底，濃濃嘅芫茜同埋皮蛋香味，真係好滋味😋。我哋叫咗潮汕極品特級吊龍，牛脷芯，白墨魚丸，黑松露餃（入面嘅鮮蝦非常爽滑彈牙），同埋小食蝦膠釀油炸鬼。潮汕吊龍同牛脷芯都非常有牛味，啲肉質新鮮，厚薄適中，真係打邊爐一流。手打黑白墨魚滑，呢個墨魚滑好特別啊，又黑又白，食落仲有粒粒墨魚添，好香墨魚味。黑松露餃入面嘅鮮蝦彈牙又鮮甜，真係唔可以錯過。蝦膠釀油炸鬼就更加係新鮮熱辣辣，非常脆口。值得一讚係呢度嘅職員服務態度非常好，對客人照顧得無微不至，非常有禮貌同體貼，令我哋用餐體驗更加愉快。去滾📍登龍街1-29號金朝陽中心二期 - Midtown 27樓
湯底方面，我哋叫咗芫茜皮蛋豆腐湯底，濃濃嘅芫茜同埋皮蛋香味，真係好滋味😋。我哋叫咗潮汕極品特級吊龍，牛脷芯，白墨魚丸，黑松露餃（入面嘅鮮蝦非常爽滑彈牙），同埋小食蝦膠釀油炸鬼。潮汕吊龍同牛脷芯都非常有牛味，啲肉質新鮮，厚薄適中，真係打邊爐一流。手打黑白墨魚滑，呢個墨魚滑好特別啊，又黑又白，食落仲有粒粒墨魚添，好香墨魚味。黑松露餃入面嘅鮮蝦彈牙又鮮甜，真係唔可以錯過。蝦膠釀油炸鬼就更加係新鮮熱辣辣，非常脆口。
值得一讚係呢度嘅職員服務態度非常好，對客人照顧得無微不至，非常有禮貌同體貼，令我哋用餐體驗更加愉快。
去滾
📍登龍街1-29號金朝陽中心二期 - Midtown 27樓
張貼
