影片
更多
2021-08-08
52 瀏覽
長沙灣老字號傳統冰廳今日去開D2 place個邊行街，行到夜晚睇埋戲開始肚餓，於是就周圍行吓就叫到呢間冰廳。見到門面係寫住一五九六，姐係呢間已經有好耐歷史，於是就入去試吓啦！我同朋友揀左四款小菜同一杯飲品再加個每枱必點既燉盅老火湯😋🌟首先上到黎既係燉盅老火湯，原本以為佢會好細盅，點知都幾驚喜，大大盅，兩個人都夠飲，而且勁足料，有雞腳，瘦肉同蟲草花，但湯清清地，一啲味精都無，勁好飲👍🏻🌟另外就係椰汁茶走紅豆冰，呢個好特別，平時我地飲既紅豆冰係用椰奶直接加紅豆，而呢個係用奶茶底，飲落都唔錯😋🌟小菜-招牌海南雞海南雞雞肉爽滑，脂肪同雞既比例平均，而且雞皮脂肪薄好彈口，一啲都唔膩，另外有兩款海南雞醬，同一啲醃左既酸青瓜，蘿蔔，加埋一齊食好開胃👍🏻🌟小菜-火龍果咕嚕肉火龍果咕嚕肉真係第一次食，而之前亦未見過呢個配搭，但估唔到又幾夾，而且咕嚕肉炸得好脆卜卜，一啲都唔厚粉，食落去都啖啖肉！🌟小菜-蜜椒薯角豬仔髀呢個份量真係好大份，有成4仔豬仔髀，另外薯仔都炸到好脆卜卜，黑椒既份量亦岩岩好，加埋蜜糖甜甜地岩岩好中和返辣味，好過癮😋🌟小菜-老壇酸菜魚迷你份量呢個酸菜魚雖然係迷你份量，但份量一啲都唔少，配
今日去開D2 place個邊行街，行到夜晚睇埋戲開始肚餓，於是就周圍行吓就叫到呢間冰廳。見到門面係寫住一五九六，姐係呢間已經有好耐歷史，於是就入去試吓啦！
我同朋友揀左四款小菜同一杯飲品再加個每枱必點既燉盅老火湯😋
🌟首先上到黎既係燉盅老火湯，原本以為佢會好細盅，點知都幾驚喜，大大盅，兩個人都夠飲，而且勁足料，有雞腳，瘦肉同蟲草花，但湯清清地，一啲味精都無，勁好飲👍🏻
🌟另外就係椰汁茶走紅豆冰，呢個好特別，平時我地飲既紅豆冰係用椰奶直接加紅豆，而呢個係用奶茶底，飲落都唔錯😋
🌟小菜-招牌海南雞
海南雞雞肉爽滑，脂肪同雞既比例平均，而且雞皮脂肪薄好彈口，一啲都唔膩，另外有兩款海南雞醬，同一啲醃左既酸青瓜，蘿蔔，加埋一齊食好開胃👍🏻
🌟小菜-火龍果咕嚕肉
火龍果咕嚕肉真係第一次食，而之前亦未見過呢個配搭，但估唔到又幾夾，而且咕嚕肉炸得好脆卜卜，一啲都唔厚粉，食落去都啖啖肉！
🌟小菜-蜜椒薯角豬仔髀
呢個份量真係好大份，有成4仔豬仔髀，另外薯仔都炸到好脆卜卜，黑椒既份量亦岩岩好，加埋蜜糖甜甜地岩岩好中和返辣味，好過癮😋
🌟小菜-老壇酸菜魚迷你份量
呢個酸菜魚雖然係迷你份量，但份量一啲都唔少，配料都十足，有齊酸菜，蓮藕，萵筍，另外可以配搭白飯或者寬粉。另外魚既份量都勁多，完全係兩個人既份量！魚肉好新鮮爽滑，好正😋另外麻辣適中岩曬香港食辣既程度🙂
呢間平民傳統冰廳真係好抵食，下次經過都一定會再嚟食😋😋😋😋😋
張貼
