瘋鳥 (已結業)

Item: 瘋鳥
Rating: 5
Author: Shinchan1993

Hummingbird Coffee & Food

354 食評

味道

環境

服務

衛生

抵食

12108

長沙灣

$51-100

多國菜三文治西式糕點咖啡店

265

Shinchan1993

等級4

1.2K

之前已經嚟食過晏，味道都唔錯，仲好印象深刻我哋唔夠現金，但要消費滿$300先有得碌卡，店員見我哋連鞋底張$20拎埋出嚟都唔夠(講笑🤣)，就好好人咁俾我哋用信用卡。因此，我成日都想再返嚟幫襯小店。呢晚朋友接我返工，我就帶咗佢去「瘋鳥」開餐。雖然餐廳現時放置咗唔少隔板，但都睇得出原本裝修係幾靚，有花心思。我哋坐咗喺門口棵樹🌳旁嘅枱，打卡一流！另一邊箱有兩個窗口吧枱位可以望公園景，相信係文青打卡至愛📸。今次專登嗌啲未食過嘅菜式，晚市無做套餐，價錢中等，不過嗌主食飲品有得減$20。食物選擇係偏西式Fusion吧，都大路嘅，實有嘢啱食😜。上次食過小食拼盤確係唔錯，但我唔太肚餓同唔想食炸物，所以我哋只係嗌咗兩個主菜同一個甜品，無平日咁瘋狂🙈。澳洲西冷牛扒(8安士)Australian Sirloin Steak (8 OZ)($148)，🥩牛扒好大件喎，個樣亦幾吸引；肉質同肉味唔錯，最欣賞係夠厚切，食落先有滿足感。伴碟有沙律菜同薯條，份量亦都多。餐廳無問我哋牛扒要幾成熟，佢哋預設熟度係五成至七成中間，對我哋嚟講啱啱好😋。牛肉呈粉紅色，嫩嫩的，正。意式橙汁煙鴨胸扒Smoked Duck Breast

23 瀏覽

0 讚好

0 留言

之前已經嚟食過晏，味道都唔錯，仲好印象深刻我哋唔夠現金，但要消費滿$300先有得碌卡，店員見我哋連鞋底張$20拎埋出嚟都唔夠(講笑🤣)，就好好人咁俾我哋用信用卡。因此，我成日都想再返嚟幫襯小店。

13 瀏覽

0 讚好

0 留言

呢晚朋友接我返工，我就帶咗佢去「瘋鳥」開餐。雖然餐廳現時放置咗唔少隔板，但都睇得出原本裝修係幾靚，有花心思。我哋坐咗喺門口棵樹🌳旁嘅枱，打卡一流！

13 瀏覽

0 讚好

0 留言

另一邊箱有兩個窗口吧枱位可以望公園景，相信係文青打卡至愛📸。

今次專登嗌啲未食過嘅菜式，晚市無做套餐，價錢中等，不過嗌主食飲品有得減$20。食物選擇係偏西式Fusion吧，都大路嘅，實有嘢啱食😜。

11 瀏覽

0 讚好

0 留言

上次食過小食拼盤確係唔錯，但我唔太肚餓同唔想食炸物，所以我哋只係嗌咗兩個主菜同一個甜品，無平日咁瘋狂🙈。

澳洲西冷牛扒(8安士)Australian Sirloin Steak (8 OZ)($148)，🥩牛扒好大件喎，個樣亦幾吸引；肉質同肉味唔錯，最欣賞係夠厚切，食落先有滿足感。伴碟有沙律菜同薯條，份量亦都多。

餐廳無問我哋牛扒要幾成熟，佢哋預設熟度係五成至七成中間，對我哋嚟講啱啱好😋。牛肉呈粉紅色，嫩嫩的，正。

意式橙汁煙鴨胸扒Smoked Duck Breast with Orange Sauce($128)，本身朋友話驚鴨胸會好鞋，唔俾我叫😡！不過唔洗理佢，原來鴨胸係切件的，而唔係一大嚿要自己切。伴碟同樣係有沙律菜同薯條。鴨胸肉都係大大件的，味道幾好，但朋友話好似腸仔味，煙鴨胸係咁㗎啦。至於意式橙汁就唔太有橙味🍊，只係甜甜地，無乜特別。

寶曠力沙冰Pocari Smoothie($48)，寶曠力同沙冰各自都飲得多，但夾埋成為一個組合就好少見。我哋嗌完之後心諗會唔會中伏呢？即係齋一杯雪冰咗嘅寶曠力...。好彩嚟到發現好有驚喜，因為杯沙冰係好吸睛嘅藍色啊💙。再者，其實佢係🍋檸檬溝寶曠力，所以飲落微酸；又夠冰涼，超解渴。我亦鍾意佢啲冰夠碎，唔會剉唔開。

提拉米蘇Tiramisu($48)，呢個係我最愛嘅甜品，因此我對佢嘅要求都特別高、特別挑剔。一上碟嗰陣我覺得佢個樣似嗰啲用忌廉扮芝士嘅偽Tiramsisu，因為佢太四四方方喇。無期望嘅情況下我發現佢都係真材實料嚟，有咖啡味☕️同夠濕，而且係用Mascarpone Cheese。佢係合格嘅，但唔係Wow嗰種。