Boholic

營業中

休息中

呢日放假去咗長沙灣行街，見到呢間餐廳門口好靚，忍唔住入去試吓！餐廳有兩個好靚嘅打卡點！🤩🥰 係乾花佈置，仲有木製座椅同燈籠做點綴啱，女仔黎呢度一定要打個靚卡先走😎食物方面，我地叫咗三款嘢食😆小食拼盤🥳拼盤有炸雞翼、炸魷魚同炸蝦，全部都係即叫即炸，熱辣辣又脆口，唔會太油膩，好滿足！全日早餐🌤️呢個早餐好適合唔想食飯面嘅朋友，內容豐富：有柔軟又香嘅大啡菇、煙三文魚、肉腸，同埋燒到香甜嘅菠蘿，每樣都好有質素，味道配搭啱啱好！開心果疏乎厘🍰成餐飯嘅亮點！🥰 其實佢有好多口味可以揀、但我作為開心果迷，諗都唔洗諗就揀左開心果！🤭🥳賣相精緻吸引，鋪滿咗香脆嘅開心果碎，而且只係小小甜，仲有淡淡開心果香😚 唔會覺得太heavy 🤣，好推薦呢個甜品♥️呢間餐廳啱晒環境舒適，好適合拍拖或者同啲女仔朋友聚會傾計打卡。😙食物水準唔錯，推薦試下☺️