影片
更多
2024-11-29
558 瀏覽
猛然發現，自從上年去完西班牙旅行後🇪🇸，竟然冇再食過西班牙菜！呢日就去咗長沙灣西班牙餐廳La Barra晚餐，La Barra開業多年人氣不減，全因岀品穩定，今次已經係我哋第三次到訪，依然冇失望！先來一杯sangria :食西班牙菜，當然唔少得tapas 配酒！Deep fried Manchego cheese ($78)呢個真係好驚艷！香脆嘅炸漿包住軟滑細膩嘅芝士，由於用上manchego cheese，所以熟成羊奶芝士嘅鹹香好強烈，芝士控必試🧀Panceta with toast ($62)除咗餐牌上嘅固有菜式，餐廳每日都有daily’s special，而呢款tapas 就係其中之一。豬五花腩煙肉煙燻過風味突出，油香十足🥓配搭脆卜卜嘅烤多士及鹹香嘅芝士碎🧀，味道同口感都好有層次！Blood Sausage ($98)Blood Sausage係一樣口味好兩極嘅食物，而我哋就係好鍾意嗰一類！血腸同洋蔥一齊煎香，肝香更加發揮，加入松子增添口感，厚厚地塗抹一層喺脆多士上，簡單好食嘅一道Tapas！Chorizo Tortilla ($68)薯仔蛋餅。蛋香十足，薯仔片口感軟綿綿，加埋c
先來一杯sangria :
食西班牙菜，當然唔少得tapas 配酒！
Deep fried Manchego cheese ($78)
呢個真係好驚艷！香脆嘅炸漿包住軟滑細膩嘅芝士，由於用上manchego cheese，所以熟成羊奶芝士嘅鹹香好強烈，芝士控必試🧀
Panceta with toast ($62)
除咗餐牌上嘅固有菜式，餐廳每日都有daily’s special，而呢款tapas 就係其中之一。豬五花腩煙肉煙燻過風味突出，油香十足🥓配搭脆卜卜嘅烤多士及鹹香嘅芝士碎🧀，味道同口感都好有層次！
Blood Sausage ($98)
Blood Sausage係一樣口味好兩極嘅食物，而我哋就係好鍾意嗰一類！血腸同洋蔥一齊煎香，肝香更加發揮，加入松子增添口感，厚厚地塗抹一層喺脆多士上，簡單好食嘅一道Tapas！
Chorizo Tortilla ($68)
薯仔蛋餅。蛋香十足，薯仔片口感軟綿綿，加埋chorizo 增添鹹香，鍾意伴碟嘅麵包條，口感好香脆！
Fideua de Pescado （$168）
精選魚塊西班牙短麵！
好少見到有得食西班牙短麵，話點咗一份試吓！短麵吸收高湯嘅鮮甜，好惹味，魚柳厚肉嫩滑，唔錯！
Churros ($78)
呢度嘅西班牙油炸鬼好好食，必點！Churros即點即炸，上枱時外脆內軟，入口熱騰騰，蘸上濃郁嘅朱古力醬，再配上香滑嘅雲呢拿雪糕，朱古力醬會變成脆片🍫，冰火交融，口感好好！朱古力醬同埋雪糕都好有誠意，雪糕有粒粒雲呢拿籽，朱古力醬用上高質朱古力，唔會太甜！
張貼
