海老名沾麵

營業中

休息中

今日自己一個食lunch，好想食拉麵，結果嚟咗長沙灣呢間小店～本身對嗰邊唔係好熟悉，結果都兜咗幾個圈先搵到佢個門口🤣小店座位超少，好好彩啱啱有位唔使等🙆🏻‍♀️佢哋個Menu亦都相當精簡，只係賣三款沾麵同埋一款拉麵～我本身其實想食沾麵，但一入到去店員同我講生蠔拉麵得返一碗，俾佢吸引咗🤣碗麵未嚟到嘅時候就上咗個前菜/小食，係紫菜同脆米🤣我試過就咁食同加落麵度食，感覺都幾得意～拉麵一嚟到，個賣相好靚，仲傳嚟好新鮮嘅蠔味🦪食落口啲蠔都係好鮮甜，加埋啲大蔥又加咗啲口感，溏心蛋都合格🤗而湯底我覺得係帶有麵豉味嘅海鮮湯，都唔錯嘅，但食到後面開始有少少鹹，最唔啱我口味嘅係啲拉麵，個麵質唔係我喜歡嘅感覺，如果可以幼少少會更加好🙆🏻‍♀️店員態度都好好，雖然條路好窄，但都會經常走入嚟睇吓我有冇需要，亦會問我個麵啱唔啱口味🤗我覺得今次呢個拉麵算係合格，但下次真係想試吓佢嘅沾麵喇🤣