Boholic

營業中

休息中

呢間位於長沙灣嘅Cafe真係幾有特色，特別係我哋今日去嘅時候，已經充滿晒Halloween嘅氣氛。入到去，裝修好精緻，有好多Halloween嘅裝飾擺設，仲有專門嘅打卡位，影相打卡真係一流。食物方面，前菜我哋試咗芝士焗澳洲薯皮，上面有蔥花同煙肉粒，芝士仲會拉絲，食落好香口。薯皮夠脆，配埋佢嘅sour cream，真係perfect match，完全提升咗個味道。主菜我哋叫咗美式BBQ醬烤焗西班牙豬肋骨，呢個真係必試之選！豬肋骨啲肉好腍，BBQ醬汁夠惹味，完全滲入咗啲肉度。配埋啲洋蔥圈，真係又脆又香，仲有兩件烤菠蘿，好甜好juicy，側邊嘅沙律菜亦都好清新爽脆。甜品方面，我哋試咗開心果奶蓋疏乎厘班戟，呢個班戟真係大件又鬆軟，食落好輕盈。開心果奶蓋又香又Creamy，成件事配埋真係無得輸。飲品方面，我哋叫咗白桃奶酪，同埋蜂蜜伯爵紅茶。白桃奶酪有淡淡嘅桃香，奶味又夠香濃；至於蜂蜜伯爵紅茶，就可以自己加蜜糖，控制甜度，幾貼心。