影片
更多
2024-06-09
1137 瀏覽
海港酒家係大埔超級城果時已經成日去，搬左去寶湖商場之後去少左，但今日媽咪生日，佢又想食長腳蟹，於是book左8點去海港食晚飯。🥢 清蒸長腳蟹去到即刻去魚缸果度揀蟹，隻隻蟹都好生猛，揀左隻3斤12嘅清蒸，佢仲有其他煮法可以選擇，但海鮮我都係鍾意清蒸多啲。蟹膏仲可以揀拎嚟炒飯，不過我哋揀咗就咁上。隻長腳蟹一放上枱，大家就拎相機即刻影相，好大隻 🫶🏻 我地6個人食海鮮，啱啱好一人一隻大蟹腳，仲有2隻蟹鉗可以分。好鮮好爽口好好味，蟹膏有一碗咁多，我哋鍾意用佢黎撈飯或者當汁咁樣點蟹腳嚟食。呢個清蒸長腳蟹真係大時大節啲點嘅一個菜式。🥢 龍躉兩味三百幾蚊有兩個餸，仲要係龍躉，一個炒西蘭花，一個清蒸加豉油，兩款菜式都算唔錯，龍躉啲肉爽口，唔食得蟹嘅爸爸主力K.O.晒呢兩碟餸。🥢 蒜蓉炒通菜唔鍾意食腐乳，所以改咗做蒜蓉炒，不過不失，都算大碟，啲菜煮得啱啱好。🥢 菠蘿咕嚕黑豚肉黑豚肉炸得香脆，配菜有菠蘿同蜜桃，加埋酸酸甜甜嘅汁，開胃好味。🥢 蟠桃大壽包一打壽包係老人家慶生嘅必需品，六隻奶黃餡，六隻蓮蓉餡，食完咁多餸之後每人食咗一個壽包已經好飽啦，剩返嗰啲打包返屋企聽日做早餐。海港嘅長腳蟹都算新鮮，服務態度
🥢 清蒸長腳蟹
去到即刻去魚缸果度揀蟹，隻隻蟹都好生猛，揀左隻3斤12嘅清蒸，佢仲有其他煮法可以選擇，但海鮮我都係鍾意清蒸多啲。蟹膏仲可以揀拎嚟炒飯，不過我哋揀咗就咁上。
隻長腳蟹一放上枱，大家就拎相機即刻影相，好大隻 🫶🏻 我地6個人食海鮮，啱啱好一人一隻大蟹腳，仲有2隻蟹鉗可以分。好鮮好爽口好好味，蟹膏有一碗咁多，我哋鍾意用佢黎撈飯或者當汁咁樣點蟹腳嚟食。
呢個清蒸長腳蟹真係大時大節啲點嘅一個菜式。
🥢 龍躉兩味
三百幾蚊有兩個餸，仲要係龍躉，一個炒西蘭花，一個清蒸加豉油，兩款菜式都算唔錯，龍躉啲肉爽口，唔食得蟹嘅爸爸主力K.O.晒呢兩碟餸。
🥢 蒜蓉炒通菜
唔鍾意食腐乳，所以改咗做蒜蓉炒，不過不失，都算大碟，啲菜煮得啱啱好。
🥢 菠蘿咕嚕黑豚肉
黑豚肉炸得香脆，配菜有菠蘿同蜜桃，加埋酸酸甜甜嘅汁，開胃好味。
🥢 蟠桃大壽包
一打壽包係老人家慶生嘅必需品，六隻奶黃餡，六隻蓮蓉餡，食完咁多餸之後每人食咗一個壽包已經好飽啦，剩返嗰啲打包返屋企聽日做早餐。
海港嘅長腳蟹都算新鮮，服務態度不過不失。性價比算高嘅。
張貼
