影片
更多
2017-11-15
205 瀏覽
一間餐廳可以屹立廿幾三十年，實力應該有番咁上下，九龍灣人一定會識得呢間餐廳。除左歷史悠久之外，呢間餐廳絕對係性價比之選，全因道道菜都抵食夾大件，味道亦好好。等我依家就介紹一下呢晚四人晚宴食左啲咩啦！ 餐湯我地點左一紅一白，紅既係羅宋湯，白既係蘑菇湯，兩款餐湯味道濃郁，絕對唔係求求其，渣流灘。其實配餐湯既焗多士都好好食，非常脆口，蒜香味濃而不俗，絕對醒胃提神。 香煎鵝肝配鬆化多士，又係多士，不過呢個多士異常鬆化，口感好正，加埋鵝肝既油香，簡直無彈！當然鵝肝先係主角，稍稍煎封肉汁，保留油香肉汁，表面脆脆地，入面軟滑。 主菜上場啦，先黎美國西冷牛扒，西冷五成熟，大大件，火候控制得好，切開肉汁能夠保存喺牛扒入面，食既時候肉汁配埋蒜蓉汁，真係啖啖回甘。 乳豬係我鐘意嘅脆皮連住皮下脂肪，夠哂邪惡，份量夠四個人分。忌廉波菜鱸魚，鱸魚外表煎香，內層肉質幼滑，忌廉味道較濃，但配合波菜既味道同埋口感，令到菜式味道層次得到昇華。 最強既主菜非西班牙海鮮飯莫屬，原隻龍蝦，再加上其他海鮮蔬菜，材料十分重料，足夠俾四人享用。飯底十分出色，茄味加埋海鮮既鮮味令飯既味道十分濃郁，當中最精妙之處係飯底唔會過鹹，增強食慾
除左歷史悠久之外，呢間餐廳絕對係性價比之選，全因道道菜都抵食夾大件，味道亦好好。等我依家就介紹一下呢晚四人晚宴食左啲咩啦！
餐湯我地點左一紅一白，紅既係羅宋湯，白既係蘑菇湯，兩款餐湯味道濃郁，絕對唔係求求其，渣流灘。其實配餐湯既焗多士都好好食，非常脆口，蒜香味濃而不俗，絕對醒胃提神。
香煎鵝肝配鬆化多士，又係多士，不過呢個多士異常鬆化，口感好正，加埋鵝肝既油香，簡直無彈！當然鵝肝先係主角，稍稍煎封肉汁，保留油香肉汁，表面脆脆地，入面軟滑。
主菜上場啦，先黎美國西冷牛扒，西冷五成熟，大大件，火候控制得好，切開肉汁能夠保存喺牛扒入面，食既時候肉汁配埋蒜蓉汁，真係啖啖回甘。
乳豬係我鐘意嘅脆皮連住皮下脂肪，夠哂邪惡，份量夠四個人分。
忌廉波菜鱸魚，鱸魚外表煎香，內層肉質幼滑，忌廉味道較濃，但配合波菜既味道同埋口感，令到菜式味道層次得到昇華。
最強既主菜非西班牙海鮮飯莫屬，原隻龍蝦，再加上其他海鮮蔬菜，材料十分重料，足夠俾四人享用。
飯底十分出色，茄味加埋海鮮既鮮味令飯既味道十分濃郁，當中最精妙之處係飯底唔會過鹹，增強食慾。
張貼
