影片
更多
2020-02-07
351 瀏覽
原來尖沙咀有間以花做主題嘅高級餐廳，真係可以勁影相打卡，餐廳左邊有室外座位，出面佈滿花嘅裝飾好靚，而餐廳入面都好有情調，上面有2棧吊燈，環境暗暗地，好有feel。我地點咗幾款食物，未黎食物之前，店員有幾款麵包比我地選擇，我就試晒3款，麵包都係焗過，有少少微熱，配埋佢地嘅牛油、意大利醋同橄欖油一齊食，好好食。蟹肉凱撒沙律-沙律菜好新鮮，同銀魚柳同蟹肉做配搭，好match,銀魚柳有少少咸咸地加上蟹肉嘅鮮味配上凱撒沙律好好食。海龍皇湯入面有甘鯛魚、魷魚、蝦同大蜆，個湯好濃郁嘅龍蝦味，同其他海鮮嘅味道好夾，甘鯛魚個皮做得好脆，其他海鮮都好鮮味。慢煮36小時小牛排，牛排好淋，一d 都唔韌，可能因為係慢煮關係，所以個肉質好juice,烤焗牛骨髓好特別，之前都未食過骨髓，佢地上面鋪咗綠茶鹽一齊烤，又好match,骨髓一d都唔肥，好甘香， 呢個主菜唔係配飯，而係配洋薏米，通常薏米都係做糖水，但煮成咸食，又幾特別煙煙韌韌，好好食。漂浮島-呢個甜品名幾特別，所以叫黎試吓，點知上枱時，個賣相仲特別，中間好似一個立體荷包蛋咁，原來係蛋白加桃， 而側邊d球體，原來係玫瑰荔枝、黑加倫子同紅桑子芭菲，酸酸甜甜好開胃
我地點咗幾款食物，未黎食物之前，店員有幾款麵包比我地選擇，我就試晒3款，麵包都係焗過，有少少微熱，配埋佢地嘅牛油、意大利醋同橄欖油一齊食，好好食。
蟹肉凱撒沙律-沙律菜好新鮮，同銀魚柳同蟹肉做配搭，好match,銀魚柳有少少咸咸地加上蟹肉嘅鮮味配上凱撒沙律好好食。
海龍皇湯入面有甘鯛魚、魷魚、蝦同大蜆，個湯好濃郁嘅龍蝦味，同其他海鮮嘅味道好夾，甘鯛魚個皮做得好脆，其他海鮮都好鮮味。
慢煮36小時小牛排，牛排好淋，一d 都唔韌，可能因為係慢煮關係，所以個肉質好juice,烤焗牛骨髓好特別，之前都未食過骨髓，佢地上面鋪咗綠茶鹽一齊烤，又好match,骨髓一d都唔肥，好甘香， 呢個主菜唔係配飯，而係配洋薏米，通常薏米都係做糖水，但煮成咸食，又幾特別煙煙韌韌，好好食。
漂浮島-呢個甜品名幾特別，所以叫黎試吓，點知上枱時，個賣相仲特別，中間好似一個立體荷包蛋咁，原來係蛋白加桃， 而側邊d球體，原來係玫瑰荔枝、黑加倫子同紅桑子芭菲，酸酸甜甜好開胃，再配上香草乳酪涷湯，成個甜品嘅味道好match,好好食，成為整餐嘅完美結尾。
張貼
