影片
更多
2024-11-06
555 瀏覽
門面漂亮之《泰國婆》今日係公司做完嘢已經接近黃昏，喺東港城附近搵到一間泰國嘢，門面靚，所以就入左去啦😎，泰式拼盤(蝦餅+魚餅+春卷+雞翼)：食泰國野，當然唔少得傳統泰式拼盤😍，每樣食物都份量都十足，鮮出爐熱辣辣、香噴噴、酥脆口感亦都唔會話炸得好粉👍🏻。泰式南京椰汁雞湯：椰香味重，酸酸辣辣非常開胃。材料方面有草菇、雞肉、細番茄仔等等🤤。馬拉盞炒芥蘭：傳統馬拉盞味道，香辣，芥蘭爽口，適合新手唔食得太辣，但又想嘗試少少辣嘅朋友仔🙈。黃咖哩牛腩+薄餅：朋友第一句就講：咦，唔係好辣喎！冇錯呀，呢度嘅黃咖哩絕對唔稱得上辣，反而有少少椰香同鮮甜嘅感覺。 配上薄餅食最啱 ，大約加一至兩匙羹落去已經非常好食😋，薄餅份量好多有成8塊架👍🏻。 凍泰式奶茶+凍檸檬茶：兩奶茶香甜，絲滑；而凍檸茶則用上青檸作為檸底，同傳統茶餐廳嘅普通檸檬有少少唔同，值得一試😊。總結：餐廳頗有特色，門面漂亮。坐位舒服，有樣嘢好值得稱讚，就係出餐嘅速度都幾快👍🏻👍🏻👍🏻，雖然我同朋友去嘅時候未算多客人，但係入咗去大約一陣後，餐廳已經有九成坐滿，廚房出嘢食嘅速度相當之快，唔錯👍🏻。
今日係公司做完嘢已經接近黃昏，喺東港城附近搵到一間泰國嘢，門面靚，所以就入左去啦😎，
泰式拼盤(蝦餅+魚餅+春卷+雞翼)：
食泰國野，當然唔少得傳統泰式拼盤😍，每樣食物都份量都十足，鮮出爐熱辣辣、香噴噴、酥脆口感亦都唔會話炸得好粉👍🏻。
泰式南京椰汁雞湯：
椰香味重，酸酸辣辣非常開胃。材料方面有草菇、雞肉、細番茄仔等等🤤。
馬拉盞炒芥蘭：
傳統馬拉盞味道，香辣，芥蘭爽口，適合新手唔食得太辣，但又想嘗試少少辣嘅朋友仔🙈。
黃咖哩牛腩+薄餅：
朋友第一句就講：咦，唔係好辣喎！冇錯呀，呢度嘅黃咖哩絕對唔稱得上辣，反而有少少椰香同鮮甜嘅感覺。 配上薄餅食最啱 ，大約加一至兩匙羹落去已經非常好食😋，薄餅份量好多有成8塊架👍🏻。
凍泰式奶茶+凍檸檬茶：
兩奶茶香甜，絲滑；而凍檸茶則用上青檸作為檸底，同傳統茶餐廳嘅普通檸檬有少少唔同，值得一試😊。
總結：
餐廳頗有特色，門面漂亮。坐位舒服，有樣嘢好值得稱讚，就係出餐嘅速度都幾快👍🏻👍🏻👍🏻，雖然我同朋友去嘅時候未算多客人，但係入咗去大約一陣後，餐廳已經有九成坐滿，廚房出嘢食嘅速度相當之快，唔錯👍🏻。
張貼
