Coffee Break (鴻輝大廈)

營業中

休息中

喺旺角諗食咩真係會諗到頭痛，今日喺通菜街睇有咩啱食，無意中發現到呢間世外桃源cafe。望入去環境舒適，諗都唔洗諗就行左入去試吓先。坐低睇個餐牌發現d野食特別得黎價錢適中，真係唔錯。我當然叫d平時冇咩機會食到嘅野黎試吓啦。飲品就叫左繽紛樂朱古力，食物就芝士焗黑松露多士同埋蜜糖雞翼。我開頭都怕繽紛樂朱古力會太甜，不過好在甜度適中，由於呢杯野食打碎晒d朱古力做成，所以細嘗下會發現有d朱古力碎粒，幾有口感。芝士焗黑松露多士就一放喺枱已經有好香嘅黑松露味飄過黎，配埋芝士食落口真係正。另外睇餐牌嗰時發現有免費wifi，電話充電，同埋桌上遊戲，真係十足十一間樓上cafe。溫馨提示：由於係地鋪，位於旺角鬧市，座位又有限，所以繁忙時間為90分鐘用餐。