SAKImoto bakery 嵜本 高級Shokupan專門店 (海港城) (已結業)

除左尖沙咀海港城有得食，銅鑼灣時代廣場都開啦！過左熱潮，唔需要再排隊，幾時去都有得買了，果醬都好多選擇。有兩款人集吐司🍞可選擇，有牛奶🥛味同原味；第一次食就先揀牛奶味吧，50蚊，外賣走了，放入袋真係好香，隔咗袋都聞到麵包🥯味。過左一日食都仲好鬆軟，唔需要返熱，唔需要加醬，先享受佢原本的麵包味，一個磚的麵包可以厚切🔪切到4大塊，簿切可以6塊。食落真係有點甜甜絲絲的味道，就咁食都好香口，是簡單的麵包味。第二塊就加左減甜藍莓醬🫐，我諗呢個方包同所有果醬都會好夾的，因為佢本身麵包真係好香口，果醬並唔會蓋過佢麵包的味道。