影片
更多
2021-02-25
3380 瀏覽
開工大吉, 開工前要有個好開始, 咩係好開始? 仲使講, 梗係食餐好啦, 意頭意頭, 開個好年頭麻, 今日12：00 開工前來銅鑼灣位於SOGO側的澳門逸園中心的虎鐵鉄板燒食我最愛的鄉下菜.....日本餐。虎鐵鉄板燒走日本居酒屋格局, 企理通爽, 有幾張客台及一張大大的圓形鐵板bar 枱, 估計應該可以坐約8人-10人, 一班朋友嚟食可以包台了, 最抵讚的是今日到訪, 餐廳做到檯與檯之間保持到1.5米距離。最愛最方便嘅set lunch 及 set dinner, 款式多樣, 食完又一定夠飽肚的set lunch是不二之選, 飲品最多當然係日本人至愛嘅酒精類飲品吧。我哋今日就食呢個$1480 虎鐵精選2人餐; 有鮑魚, 有虎蝦, 今年應齊齊大富大貴沙律清爽沙律菜混合了柚子陳醋及橄欖油沙律汁, 有微微的果味酸香, 開開胃口。鴨肝蒸蛋鴨肝與蛋香己溶為一體, 我估計蛋液是混了打溶了的鴨肝配上湯來蒸的, 雞蛋蒸得好香滑, 滑不漏口, 還有鴨肝的甘香。香煎大虎蝦Big big size 東南亞大虎蝦, 蝦肉爽口彈牙, 蝦肉肉汁仍保留不少, 呢個師父火喉了得, 蝦的鮮甜度很高, 蝦肉本身己帶有海蝦
虎鐵鉄板燒走日本居酒屋格局, 企理通爽, 有幾張客台及一張大大的圓形鐵板bar 枱, 估計應該可以坐約8人-10人, 一班朋友嚟食可以包台了, 最抵讚的是今日到訪, 餐廳做到檯與檯之間保持到1.5米距離。
最愛最方便嘅set lunch 及 set dinner, 款式多樣, 食完又一定夠飽肚的set lunch是不二之選, 飲品最多當然係日本人至愛嘅酒精類飲品吧。
我哋今日就食呢個$1480 虎鐵精選2人餐; 有鮑魚, 有虎蝦, 今年應齊齊大富大貴
沙律
清爽沙律菜混合了柚子陳醋及橄欖油沙律汁, 有微微的果味酸香, 開開胃口。
鴨肝蒸蛋
鴨肝與蛋香己溶為一體, 我估計蛋液是混了打溶了的鴨肝配上湯來蒸的, 雞蛋蒸得好香滑, 滑不漏口, 還有鴨肝的甘香。
香煎大虎蝦
Big big size 東南亞大虎蝦, 蝦肉爽口彈牙, 蝦肉肉汁仍保留不少, 呢個師父火喉了得, 蝦的鮮甜度很高, 蝦肉本身己帶有海蝦微微的喊鮮, 就算唔點蝦汁已經好好食。
你睇幾多蝦膏, 廚師保留了整個蝦頭, 煎好後拆走頭部的蝦殼, 剩下的就是這些蝦膏, 用牛油煎熟的蝦膏更顯甘香。
南非鮑魚配鮮蟹肉魚籽汁
鮮鮑魚不加任何調味炮製, 保留了鮑魚本身嘅海水鹹鮮味道。
師傅處理鮑魚非常有水準, 火喉控制得宜, 鮑魚剛剛熟, 鮑魚肉很爽脆, 鮑魚夠大隻, 鮑味比較濃郁, 鮑魚面煎得有點焦香, 令鮑魚口感更好, 更好吃
蟹肉汁以堅魚汁、新鮮蟹肉及三文魚子調配, 試了一件拈蟹肉汁食, 配蟹肉汁頗鮮香, 個人略嫌鰹魚味搶走左啲鮑魚味, 不配汁, 食鮑魚本身海水鮮喊更好食, 蟹肉汁還是用黎撈日本綠雞冠草更合適, 綠雞冠草是日本海藻嘅一種, 骨膠原很豐富, 口感爽脆, 撈個蟹肉鰹魚汁食好鬼正, 仲有粒粒爆趣三文魚籽鹹鮮。
日本A5和牛厚燒
5成熟剛剛好, 邊位煎得焦香, 肉色卻嬌嫩無比。
完美的色相, 滑溜juicy 卻不失牛香
第一件乜都唔拈就咁食, 入口肉質軟滑油香, 甘香肥美。
第二件用日本新鮮紫蘇葉放少許海鹽上牛肉度包住食, 感覺很不一樣, 紫蘇令其食味變得比較清新, 起了中和和牛嘅油膩感, 少許海鹽起了提肉鮮的作用。
第三件配炸蒜片, 蒜片本身已經有少許鹹味, 配和牛一齊放入口, 蒜片炸得脆脆的, 配軟口和牛, 令和牛充滿蒜香, 更好味, 最喜歡這個配搭。
配菜日本南瓜很粉甜, 翠玉瓜吸收了和牛油香, 脆口又多汁, 啡菇則爽口多汁, 只要加少許海鹽提味同樣美味。
麵鼓湯
虎鐵嘅麵豉湯第一啖入口帶有少許甜味, 唔係糖嗰種甜味, 唔知係豆本身蛋白質嘅甜味定加咗少許甜酒落去煲麵鼓湯, 很清香的麵豉豆香, 可以講話完全唔鹹, 好飲。
三文魚子海膽杯炒飯
這個炒飯太招搖了吧
炒飯面堆滿了兩層厚厚的日本海膽及三文魚籽
老實不客氣, 先食返羹淨海膽先, 入口即溶, 鮮甜無比, 百食不壓, 便是我最愛的海膽了
系杯度食炒飯唔係咁方便, 將炒飯倒落碟食較好, 睇下……. 雖然先前畀我食咗一大羹海膽, 倒出來還有很多海膽呢, 將餘下嘅海膽及魚籽跟炒飯撈埋一齊食, 超YUMMY
炒飯以日本米飯為基底, 配大量蔥花、紅蘿白粒及蛋花炒成, 米飯煙韌圓潤, 炒得很乾身, 冇乜油, 入口卻很香口, 當然鮮甜的海膽及鹹香的魚籽功不可沒吧, 這個炒飯讓人太滿足了。
薑味雪糕
可以選擇即磨咖啡或甜品, 佢哋有六款味道嘅雪糕, 薑味比較少機會食, 所以我放棄了咖啡, 雪糕的薑味不化學, 有新鮮薑汁嘅香辣, 配落冰凍嘅雪糕度, 原來都幾匹配。
今日呢位廚師掂呀
謝謝服務員哥哥親切招待, 讓我享受了一頓賓至如歸的午飯, 我已經充滿力量了!
題外話/補充資料：
我呢個娘炳, 枉我食左幾十年日本菜, 今日先知原來日本餐廳的2人前是可以單數人叫的, 我不嬲以為2人餐即一定要雙數先可以叫, 話說今日見隔離檯3位客人, 3人同我地食同一個2人餐, 我八掛問服務員哥哥, 典解佢地3個人單數可以叫2人餐既? 原來一般2人餐是可以單數叫的, 除非套餐有些食物一定要雙人食的餐, eg 2人套餐每人半隻龍蝦的便不可單叫, 今日我地個2人餐其實每道菜都是獨立上的, 便可以了, 以後單數人食飯識得叫了。
(以上食評乃用戶個人意見 , 並不代表OpenRice之觀點。)
張貼
