家嫂

營業中

休息中

有個服務員態度非常非常惡劣，已經不停催我哋上菜。話說有支香檳係套餐包埋嘅，我哋成班食開年飯，當然要飲番杯啦。見我哋開香檳，阿姐已經埋嚟串我唔好射到周圍係。我都冇搖支香檳又點會射到周圍係呢。（掃興）😮‍💨再問呀姐攞香檳杯，你估佢點答呀⋯⋯（眼見其他枱都有香檳杯）佢話我哋啲香檳杯唔俾你過喎。我心裏一堆問號？？接着說因為你打爛咗，要你陪$98 1隻㗎。佢語氣好差，之後拎咗啲鐵杯過嚟。哈哈，老實講我打爛咗一定會陪俾你，既然你咁驚客打爛點解又拎出嚟啦。你個柸鑲金？就算你話用晒洗唔切都冇問題。好似講到我賠唔起咁，又或者我一定會打爛嘢。嘈完一輪後，佢有死死地氣拎d柸過嚟。出奇嘅事出現⋯就係佢上菜時，碰到我隻杯險些倒瀉我杯酒。我終於發現佢唔想原因，其實係唔想佢自己打爛。超級壞嘅體驗，一定唔會再幫襯，感覺超級受氣。而且貴妃蚌好多沙。