影片
更多
2011-02-04
10 瀏覽
比預期遲左2個月在萬眾期待下潮人飯堂終於O係西灣河隆重登埸啦。食物點左4人餐:雲腿素翅、XO醬爆花枝珊瑚蚌、雞湯泡菜苗、清蒸班、黃金雞、瑤柱蛋白炒紅米飯、蛋白杏仁茶。送既有蠔餅同撈起。雲腿素翅: 翅的分量尚算足料，不過冇乜其他料，略嫌寡左D。侍應竟然完全無意圖幫忙分翅，要客人自己分都係第一次見!XO醬爆花枝珊瑚蚌: 味道不俗。雞湯泡菜苗: 點菜前問了侍應是日菜苗係白菜仔，送到黎原來係豆苗。不過味道都唔錯。清蒸班:幾大條，四個人食一定夠。黃金雞: 味道對板，不過血紅色既部位太多。瑤柱蛋白炒紅米飯:幾好，炒得夠乾身，加埋紅米又健康口感又好，不過碟飯真係擺得核突左少少，未食經已好似比人食過摷亂晒咁。蠔餅: 賣相麻麻地，正常黎講蠔餅應該好似PIZZA咁排成圓形，潮人飯堂既做法卻是將一塊塊蠔餅疊起來，看上去當然不夠吸引。幸好味道OK，亦唔會啖啖得蛋醬冇蠔。意頭菜:撈起: 即炸芋絲切成條狀。汁多D既話會幾好。杏仁茶:杏仁味夠，但係整碗杏仁茶只係揾到一粒蛋白，過甜。服務: 侍應們頗為散慢，既沒有記熟菜單上既餸菜，又沒有細心留意客人既需求，例如冇理會客人連湯還沒喝完就不停上菜，落漏單同儲單一次做既情況
食物點左4人餐:雲腿素翅、XO醬爆花枝珊瑚蚌、雞湯泡菜苗、清蒸班、黃金雞、瑤柱蛋白炒紅米飯、蛋白杏仁茶。
送既有蠔餅同撈起。
雲腿素翅: 翅的分量尚算足料，不過冇乜其他料，略嫌寡左D。侍應竟然完全無意圖幫忙分翅，要客人自己分都係第一次見!
XO醬爆花枝珊瑚蚌: 味道不俗。
雞湯泡菜苗: 點菜前問了侍應是日菜苗係白菜仔，送到黎原來係豆苗。不過味道都唔錯。
清蒸班:幾大條，四個人食一定夠。
黃金雞: 味道對板，不過血紅色既部位太多。
瑤柱蛋白炒紅米飯:幾好，炒得夠乾身，加埋紅米又健康口感又好，不過碟飯真係擺得核突左少少，未食經已好似比人食過摷亂晒咁。
蠔餅: 賣相麻麻地，正常黎講蠔餅應該好似PIZZA咁排成圓形，潮人飯堂既做法卻是將一塊塊蠔餅疊起來，看上去當然不夠吸引。幸好味道OK，亦唔會啖啖得蛋醬冇蠔。
意頭菜:撈起: 即炸芋絲切成條狀。汁多D既話會幾好。
杏仁茶:杏仁味夠，但係整碗杏仁茶只係揾到一粒蛋白，過甜。
服務: 侍應們頗為散慢，既沒有記熟菜單上既餸菜，又沒有細心留意客人既需求，例如冇理會客人連湯還沒喝完就不停上菜，落漏單同儲單一次做既情況亦頗為嚴重，再培訓是必須的。
總括黎講，食物質素還可以，不過樓面既進步空間真係還有很多！
張貼
