一只酸奶牛 (已結業)

男朋友知道我一直都好鍾意飲酸奶，留意到旺角新開左一間酸奶店，就即刻帶左我過去😆哩間酸奶店既裝修幾靚，店舖嘅左邊就係收銀同埋製作飲品嘅地方，而店舖嘅右邊有吧枱同凳, 比客人坐係度慢慢飲。店入面仲專登設計左唔同款式嘅霓虹燈牌, 比客人影相打卡，的確咁樣係影到多啲靚相😂佢嘅酸奶都有好多唔同既種類，我哩個重口味嘅人當然就揀咗特濃酸奶。🎈特濃酸奶紫米露 $36酸奶味道唔夠濃郁，反而乳酸味比較重，而紫米嘅份量幾多，而且都幾有咬口。但係如果拎佢黎同我是酸奶君比較，呢一間即刻輸咗，我會揀我是酸奶君，因為佢嘅酸奶味道真係濃郁好多。如果經過呢邊, 口渴又想打卡嘅話都可以試吓，不過個人就會推薦我是酸奶君多啲。