聚滿坊粥底火鍋私房菜 (已搬遷) 新店位置

今晚約了一大耿人打粥底火鍋，以為像我之前內地般的粥底，但原來只是一鍋'無米'粥，原來店員話為了唔想食物黐住d米，所以一開始就只是用米水打邊爐，食到最後就會將米加返入鍋，再食埋d粥。嘩！d海鮮逐一上枱，不得了！新鮮到......瀨尿蝦不停跳，搞到我們we哇鬼叫，要隻碟蓋住先！鮑魚同樣是郁緊！好豐富的海鮮餐呀！有蝦、有蟹、有蠔、又有花甲，仲有我好耐無食嘅深海泥鯭！每一樣都好新鮮，size仲要有返咁上下除了咁豐富海鮮外，還有其他材料：雞件件、手切牛、魚滑、丸類...會有一籃粟米、芋頭、南瓜，就是無青菜，一問之下，原來青菜會影響味道，所以不會提供青菜。過程中我們樣樣都話留番最後做粥-蟹粥、泥鯭粥....，但係我們都係邊烚邊清，最後只剩南瓜，待應就為我們加粥，我們眼見隔離枱忍到口，兼幫d蟹拆肉，就有蟹粥。雖然我們只剩南瓜，但由於鍋粥水已經有之前大量海鮮精華，超甜！超好味！