廚十三老壇酸菜魚 (渣甸街) (已結業)

💙🎂𝙃𝙖𝙥𝙥𝙮 𝘽𝙞𝙧𝙩𝙝𝙙𝙖𝙮 🎂💙今日同朋友嚟食生日飯，佢竟然指定話要今日呢間餐廳。食呢啲川菜餐廳第一樣唔贊成嘅就係驚佢哋環境太迫，始終而家係疫情期間，我自己都希望枱與枱之間有啲距離以免傳播病毒。今日去到嘅時候餐廳職員都好好招呼我同閨蜜兩個人👯‍♀️，佢又話唔可以坐啲太凍嘅位置，我又話唔可以太迫😂，好彩今日係平日，所以餐廳冇咩人可以俾我哋任揀，餐廳嘅職員非常有耐性。🥰生日食啲咩，梗係壽星女發板啦，所以佢就叫咗個老壇酸菜魚😛 魚片好新鮮，魚肉厚身挺身，質地好嫩滑，冇骨！酸菜有少少醋香夾雜其中，經過爆香嘅辣椒同埋花椒更有陣陣麻辣感，不會太鹹。仲要有我最鍾意食嘅滑捋捋寬粉🤭我一定要同大家講呢個寬粉好入味！大家有興趣可以連埋酸菜湯底一齊食用。