開心小敘

營業中

休息中

小妹成日都叫呢間做開心豬扒，因為呢個係招牌菜，亦每次都會點開心豬扒飯。今次黎到已經一點半，等左15分鐘左右先有得坐，即刻叫個開心豬扒飯餐($46) 凍奶茶(+$1)。 開心豬扒飯本身有雙蛋同一塊豬扒，白飯底加生菜2條，唔轉的話汁係豉油汁。雖然賣相係好一般的豬扒蛋飯，但食落真係好驚喜架。白飯底好好食，米飯粒粒分明但軟熟好滑，淨係豉油汁荷包蛋已經夠撈左碟飯啦～而豬扒調味後煎香，一啖入面一齊食豬扒、雞汁、豉油係最正嘅! 食到最尾得返淨豬扒有啲咸喇。最後到奶茶，先有奶味，後續係茶的苦澀味同少少鞋。