Metal Steak (已結業)

一間具有特色的扒房，位於中環新派食市條街…...歌賦街，那裡新嘗試的食法，混合了日式和西式的文化，半自助形式的餐廳，要先落order再揀位。話明係扒房，梗係食扒，選擇不太多，只有6款，果然好專門呀! 但全部都係上等牛，仲要有來自紐西蘭、蘇格蘭、日本佐賀和一款新到的西班牙著名的黑毛豬肉鞍，價錢由 $0.7/克 至 $1.9/克不等，望見大型 monitor的相都好吸引，服務員也即時介紹各款牛的特色之地方，紐西蘭和蘇格蘭的牛我就試得多，所以人一世物一世，今次點都要試吓D好嘢日本A4佐賀的牛，我選的就要$1.9/G， 最少要order 200G 起，我和朋友都叫了佐賀的西冷牛，加$30有咪湯、沙律和日本素飯。前菜未食已急不及待即刻放入口，賣相唔錯，肉色夠紅潤带點血絲，肉質好鮮嫩和口感都夠腍，但又未到入口即溶的地步，牛味都算濃，配菜有洋蔥絲、栗米粒和香蒜，竹筍更是加拿大入口的，餐湯為番茄、西芹和雜菜搞成的湯，十分濃郁，本人覺得略為稀釋少少會更易飲，但都值得一讚。飲品有支装水、咖啡、可樂和酒，酒都有分三款：紅、白及Rosé，法國產品，非常迷你，好啱我，因為我不太好酒精的飲料，但少少哋又無妨。扒房