Amitie Kitchen (已搬遷) 新店位置

今晚呢餐又係開會前嘅快閃晚餐， 最近啲人都鍾意約晚上開會，對於我呢啲要早起嘅人真係好慘！今晚同事搵到嘅呢間餐廳是上樓嘅， 坐低點好餐就會有一板麵包奉上。麵包香軟好新鮮， 平時經常自家制嘅同事都讚好味。食物我地點點左一個漢堡同一個意粉share。因為等陣仲要開會所以唔敢食太飽😅。朋友想食健康啲就揀慢煮雞胸年糕配黑松露蕃茄汁，但佢唔吃蔥蒜， 所以問店員可唔可以走， 店員服務很好，幫佢入廚房問， 可惜年糕的醬汁已經調好，所以不能走蔥， 所以請我朋友改意粉， 那醬汁就可以另上。個慢煮雞胸好滑好嫩，意粉質地都唔錯。我就點左香脆鱈魚牛果漢堡配他他醬蕃茄沙律。鱈魚堡就比較炸😁，不過加了牛油果同他他醬就剛好， 好啱我鍾意食香口野嘅。為左之後要精精神神開會， 所以我地兩個都要左紅茶， 提神得嚟又唔驚夜晚瞓唔著。