雪見 (已結業)

Lunch廚師發板 ($880)包括蒸蛋、4款刺身、5貫壽司、味增湯、咖啡/雪糕。一開始以蜜柑鯛刺身打頭陣，因為以蜜柑作為飼料，所以有人話食得出有淡淡的蜜柑香味，但整體都係比較淡味清新嗰一type~ 之後係3款刺身拼盤，幾欣賞白象拔蚌，非常爽口彈牙～ 而拖羅嘅油脂咁都幾豐富💓 最後係一次過上嘅五貫壽司拼盤，拖羅又再次出場，其他係幾厚身嘅帶子壽司，海膽壽司，帶鮮甜鹹香嘅白蝦壽司 以及 炙燒過嘅鮫鰈魚邊，燒過嘅油脂香更加突出！舍利嘅酸道感覺上可以再高返啲。之後就係用大蜆煮嘅湯，幾清甜嘅～*雲丹丼 ($588)用嘅係小川海膽，份量大概係一板嘅4-5分一左右～ 小川海膽係北海道馬糞海膽嘅一款，味道鮮甜比較大路嘅一款，來貨價錢亦比較親民，所以唔少日本餐廳都鍾意用佢～