祥仔辣辣 (海運大廈) (已結業)

1. 招牌祥仔酸菜魚米線因為我唔食得太辣，揀咗微辣，湯底少少麻辣幾開胃，但我始終覺得酸味唔夠突出。魚塊係非常滑嘅！而且起骨好乾淨完整又唔會整到爛曬，整體感覺好新鮮！米線正常水平，唔會太腍或太硬。2. 特色小碟可能主打川菜，坦白講揀咗呢幾款配菜味道都差唔多，就係重花椒八角嘅麻辣口味，唔算特別有驚喜。個人比較鍾意藕片同口水雞，藕片夠曬入味爽脆，口水雞雖然肉唔多但非常嫩滑！至於脆香芋絲就相對失色，味道有啲淡而且唔算脆口。整體嚟講食物水準正常，我去嘅係尖沙咀分店，對住維港都真係幾爽。