木玥巷 (已結業)

生活總要取個平衡，個半月無出街食飯，放係時候出一出街善待自己！今次來到朗屏木玥巷品台灣菜，友人話幾好，當然唔可以錯過啦。以為來食日本餐廳，門面有點和風設計，兩邊落地玻璃。好彩早到，有位唔曬等，這裡環境幾舒適。友人介紹之下，點左兩主食一小食。鹽蘇雞一上檯，雙眼發光，香噴噴，唔等啦，即刻來一口雞，外層香脆唔厚，內裡肉質嫩滑，感覺每塊都係食緊雞腿🍗。蟹肉金絲炒新竹米粉伴豆腐小蝶賣相好靚，米粉呈金黃，炒得乾身，蟹肉碎碎內藏米粉，份量足，性價比高。古早醬油蝦仁炒飯蝦仁都幾大隻，飯粒細嫩，飯粒面上伴有青菜粒，分外清香。木玥黃金水果茶和木玥柳橙汁水果茶高身杯盛載，水果新鮮，所以喝起來味道好極了。整體而言，開心滿足的午餐，可以邊品嘗美食又可以聽到台灣的歌曲。