肥姐蠔餅婆

營業中

休息中

又係做孤獨的美食家既時候啦，中午放飯係元朗食左午餐覺得唔多夠喉，諗起呢間元朗都幾多人講起既蠔餅婆，就諗住買份蠔餅食下吧。肥姐中午2點開檔，有時會早少少，我今日行過未夠2點都已經有人買緊，呢度除左蠔餅仲有無骨鳳爪，飲品有紫貝天葵，雞骨草呢d涼茶賣，咁就唔怕熱氣啦。炸蠔餅蠔餅似係用炸既方式做，主要用粉漿加蠔仔，即叫即做新鮮熱辣，落單後5分鐘左右就食得，鐘意芫荽既朋友可要求落多d，唔鐘意就開聲講唔要啦，炸蠔餅新鮮做起好香口，相對比較油膩，蠔仔份量唔算好多，有時一啖入口都係炸粉，不過味道尚算唔錯，加埋佢既秘制辣汁味道更升華，我係即場加完拎走的後悔無叫肥姐俾多包我。食完覺得都要叫還可以，40蚊一份唔貴間中食下都ok，但好驚豔又唔算，叫做平平地食份蠔餅過下口癮。