蒙麵

營業中

休息中

講到咁串仲以為佢啲嘢一定好好食啦，其實同其他車仔麵差唔多。食物質素不過不失，價錢就偏貴。入到去見貼哂紙講明"叉燒要等，唔等得就唔好食""落單寫枱號醒少少", 其實冇寫枱號咪侍應寫囉，咁我夠可以話如果客冇寫枱號嘅就侍應寫返，醒少少。見到有剪報話佢串咀標語唔怕趕客。咁如果你嘅食物質素係高到只此一家嘅就啱嘅，但我又唔覺係。其實而家成日見啲食店又話市道差又話啲人上大陸吃喝唔留港真係有原因。其實你一間鋪串趕客唔係你一間嘅事，係影響緊全港嘅形像。如果你話啲客唔等得叉燒嘅就唔好食。咁我話如果你覺得啲客催嘅煩嘅，就唔好做囉。