紅棉

營業中

休息中

昨晚慶祝閨密生辰，揀咗從未去過的中歺廳試吓新嘢，因為上次去過同一酒店頂樓下午茶，途經看到這間中菜餐廳外貌非常吸引，加上閨密喜吃中菜，趁佢生日就算貴啲都想試試。我哋晚上約7點到，已有數枱客人，地方不大，枱與枱之間空間不算多，內觀比外觀差很遠，這也不太重要，最緊要是食物質素和味道；兩個頭盤頗為精緻、尤其個雞，賣相特別、味道也好，反而個冷盤聖子就非常一般，個豆腐湯也吸引、但味道似清湯，主菜鴨慫則鹹咗啲，所以叫個白飯撈撈剛好，個青菜就OK、少少澀味但也可接受，最出色是「山楂糕」、味道剛剛好、不酸、好清新，整體合格；但埋單時發覺個醬竟然要收錢，仲$58，雖然話伙記下欄，但感覺不好，我本人覺得個醬最不值、又平平冇奇！原本都打算可以再到訪，現在取消念頭，這間菜館好似係「lubuds」集團。