影片
更多
2017-12-09
487 瀏覽
地點＆環境:地點位置一流，係金百利樓上，平時只知金百利廣場隔離坐lift上去各層都好多食肆，原來購物商場3樓都有餐廳，全靠朋友帶路先識去食！餐廳主打台式小清新風格，裝修簡潔清新，仲有啲小盆栽仔，好似鬧市中既小花園咁。環境都幾大，目測大概有20張枱左右，除普通座位之外，仲有千秋形式既座位，沙發座位供人客選擇，我地選擇了沙發座位好舒服，環境夠大我地嘈少少都唔怕。👍味道:4個人叫了 帕爾馬芝士薄脆， 焗忌廉汁肉醬螺絲粉， 香濃忌廉蜆意粉， 小食拼盤和草莓脆香鬆餅。帕爾馬芝士薄脆:自己一向唔太食薄脆薄餅反而比較鍾意食厚薄餅， 但卻餐廳只有薄脆薄餅選擇，而朋友又好想試所以今次我哋就叫咗柏爾馬芝士薄脆。 欣賞餐廳好細心地幫我哋分咗四分👍👍👍意料之外地pizza好好味，連我都好鐘意，有試過其他餐廳薄脆整得乾爭爭，但這次pizza底keep到好脆香口之餘，上面既餡料仍然Juicy，令我改變左薄脆印象😂👍焗忌廉汁肉醬意粉:雖然好邪惡但啖啖芝士肉醬超好味，好彩4個人Share，自己1個人食就會太“留”。😋😋😋香濃忌廉蜆意粉:由於我地掛住食薄脆同螺絲粉先，到食意粉個時已凍凍地，變左一pat意粉，而味道唔夠香
地點位置一流，係金百利樓上，平時只知金百利廣場隔離坐lift上去各層都好多食肆，原來購物商場3樓都有餐廳，全靠朋友帶路先識去食！
餐廳主打台式小清新風格，裝修簡潔清新，仲有啲小盆栽仔，好似鬧市中既小花園咁。環境都幾大，目測大概有20張枱左右，除普通座位之外，仲有千秋形式既座位，沙發座位供人客選擇，我地選擇了沙發座位好舒服，環境夠大我地嘈少少都唔怕。👍
味道:
4個人叫了 帕爾馬芝士薄脆， 焗忌廉汁肉醬螺絲粉， 香濃忌廉蜆意粉， 小食拼盤和草莓脆香鬆餅。
帕爾馬芝士薄脆:
自己一向唔太食薄脆薄餅反而比較鍾意食厚薄餅， 但卻餐廳只有薄脆薄餅選擇，而朋友又好想試所以今次我哋就叫咗柏爾馬芝士薄脆。 欣賞餐廳好細心地幫我哋分咗四分👍👍👍
意料之外地pizza好好味，連我都好鐘意，有試過其他餐廳薄脆整得乾爭爭，但這次pizza底keep到好脆香口之餘，上面既餡料仍然Juicy，令我改變左薄脆印象😂👍
焗忌廉汁肉醬意粉:
雖然好邪惡但啖啖芝士肉醬超好味，好彩4個人Share，自己1個人食就會太“留”。😋😋😋
香濃忌廉蜆意粉:
由於我地掛住食薄脆同螺絲粉先，到食意粉個時已凍凍地，變左一pat意粉，而味道唔夠香濃，最普通既一道菜，朋友仲食到其中一隻蜆有沙，好彩其他人無事，不過由於凍左加上味道一般，我地4個人加埋都只食左一半。
小食拼盤:
太多蝦片啦！雞翼，雞塊同香草腸各2
香草腸好味👍雞翼同雞塊無食到😂
另外伴碟有好多條西芹，唔食的人可以走西芹以免造成浪費~
草莓脆香鬆餅:
賣相加分，鬆餅都鬆化香口，但雪糕一上枱已溶到不成形😂
服務:
唯一美中不足就就係人客要自己出去櫃面落Order。最理想就係一次過叫哂食物就唔駛走黎走去，但有啲係甜品都希望食完先再叫，或者叫完想再加野食，就要走多幾次。另外仲有個自助斟水同碗碟既Corner位，人客有需要可以自行出去拎。
總括而言，值得再黎👍
環境舒服，地方就腳，食物不錯，價錢不貴。
最重要唔限時閨蜜鐘意吹幾耐水都得😎😎😎
題外話，可能不太多人知金百利商場電梯上3層會有餐廳，所以即使星期五晚去walk-in都即刻有位，成晚亦都無滿場，最岩即興活動🙄
張貼
