惠 (已結業)

自從疫情之後一直都好少會見朋友，約咗好耐嘅閨蜜終於都可以見面！當然唔少得要搵一間好嘅餐廳坐低傾吓計啦😍😍今次聽呢個閨蜜介紹去咗呢度👏🏻身為一個吃貨，果然冇介紹錯！呢一間位於灣仔嘅惠係一間好高級嘅omakase料理嘅地方，我哋今次叫咗一份每人有20款食物嘅菜！有廚師發辦烹調當日嘅新鮮食材！整體來講非常有特色，因為除咗有刺身魚生之外，仲有好多唔同嘅日式料理！無論生蠔，鮑魚，魚子醬，海膽，基本上你諗到你想食嘅海鮮呢度都可以滿足到！🤤🤤真係好正！而且重點嘅係呢度嘅Omakase真係會食到飽！每一樣野試少少！加上有唔同嘅款式，所以可以食到好滿足！值得推介！！👍🏻👍🏻👍🏻