阿三大牌檔

營業中

休息中

最近同朋友行大埔唔知食咩好，行行吓見到呢間阿三大排檔，見性價比幾高咁，一於入去試吓🤭！麻香海蜇手撕雞手撕雞嘅雞肉新鮮嫩滑，配上麻辣醬汁，超級惹味。同埋海蜇脆口爽滑，同雞肉一齊食，口感層次好豐富又凍爽😋。個盤底加咗青瓜絲，手撕雞嘅份量夠多，海蜇嘅清涼感襯托住麻香味，撈埋青瓜絲一齊食好開胃，食到最後仲有陣陣涼意❄️。泡椒魚皮泡椒魚皮嘅辣度剛好，唔會太過，而醬汁嘅酸辣滋味超級惹味，口感爽滑得嚟又彈牙，非常適合夏天配啤酒🍻食～蜜糖柚子一字脆骨一字脆骨嘅質地好鬆脆，肉質嫩滑，表層塗咗蜜糖柚子醬，酸甜口感好特別。呢個一字骨好厚身，仲夾咗啲豬軟骨，口感超級有特色。蜜糖柚子醬香甜開胃🤤，加上炸得好酥脆嘅外皮，肉質亦又軟滑，完全唔會膩。金沙蝦球個人最愛嘅菜式肯定非呢個金沙蝦球莫屬。大大粒蝦球，外皮酥脆入口爆香，內裡嘅蝦肉鮮甜彈牙，口感大滿足👍🏻👍🏻！