權發小廚

營業中

休息中

今日心血來潮，lunch 去試下權發3餸飯，先俾錢再揀餸，個上左年紀長頭髮束辮嗰個阿姐，態度係極差咁差，比得少唔在講，仲要比埋頭頭尾尾，碎濕濕啲餸頭餸尾，出聲同佢講可唔可以比好少少，一嘢挾咗好多出嚟，就冇再換番比我。跟住話係咁㗎啦！完全係搗老闆米，不停咁趕客，唔明老闆點解要請呢啲伙計。其實附近都有好幾間三餸飯，唔係因為順路，真係唔會再幫襯，買飯買得咁勞氣，都唔知為乜！香港消費，真係越嚟越谷氣，怪不得啲人話要食嘢，返大陸好過，起碼有被尊重的感覺，服務態度好好。忠告老闆，唔該你認真下你啲員工服務質素，好似唔係一間，有好幾個店都有咁樣投訴！