稻香 (翠怡商場)

營業中

休息中

青衣有兩間稻香，兩者相距5分鐘，我一般會選擇翠怡商場呢間，因為環境比較安靜，等位亦較容易。今日嚟食阿拉斯加蟹，幾乎每張枱都係食呢樣，因為仲平過自己係出邊買蟹。三個人叫咗一隻五斤嘅蟹，在另外叫咗一個菜。蟹蒸左大概半個鐘，賣相一流，味道有蟹味，但唔算10分出色，比以前喺其他地方食過嘅差，可能呢個就係價錢平嘅原因。食完之後，有啲後悔叫咗多個菜，因為真係好飽。隔離枱熟客同經理要免費糖水，話自己三個人幫襯左差不多一千蚊，經理都冇乜所謂，送咗糖水比佢哋，但因為我太飽，所以冇嘗試要求，如果面皮夠厚可以嘗試吓。