影片
更多
2023-10-13
65 瀏覽
有時你以為要拜訪一間出名嘅中餐廳，一定要成大班人去，咁又唔一定嘅。上次你記得我寫過家全七福你都知道有時餐廳都會有啲signature menu俾你食到佢所有出名嘅菜式，今晚呢間阿翁小館又係要介紹下。呢個阿翁珍饈宴，你可以試到餐廳大部份出名嘅菜式，價錢無上次家全七福咁平，但又唔算太貴，平時淨係食嗰幾個名菜都已經差唔多價錢，又係一個認識餐廳嘅最好機會。前菜砂鍋水晶炒官燕嚇死人，炒蛋白同官燕都多到一個點，真係未試過前菜都已經食到半飽，官燕嘅甜美加炒到勁滑同勁靚嘅蛋白，好完美。來到阿翁，當然要食靚嘅鮑魚，28頭吉品鮑伴菜遠，鮑魚當然係重點，但我覺得佢最正係佢個醬汁，可惜佢嘅餐牌冇得送一個撈麵，相信鮑魚撈粗再加醬汁應該係最完美嘅配搭，餐廳應該考慮吓加呢個item。每次食呢個珊瑚百花釀花膠，又大塊又厚身嘅花膠，真係要用刀叉切先至好味，而且佢嘅外層釀左好新鮮嘅蝦肉，呢個同吉品鮑一樣一定要食，而家好容易食飽你。你以為係普通魚，但香芹蘿蔔海斑卷其實加咗唔少心思，魚肉鮮甜，加咗蘿蔔之後嘅湯更加甜到入心，呢個就好似幫你清洗一下味蕾咁。食得出佢嘅鑊氣同火侯就有招牌脆皮炸子雞，炸得好靚，而且雞肉係好鮮嫩。方魚炒
有時你以為要拜訪一間出名嘅中餐廳，一定要成大班人去，咁又唔一定嘅。上次你記得我寫過家全七福你都知道有時餐廳都會有啲signature menu俾你食到佢所有出名嘅菜式，今晚呢間阿翁小館又係要介紹下。
呢個阿翁珍饈宴，你可以試到餐廳大部份出名嘅菜式，價錢無上次家全七福咁平，但又唔算太貴，平時淨係食嗰幾個名菜都已經差唔多價錢，又係一個認識餐廳嘅最好機會。
前菜砂鍋水晶炒官燕嚇死人，炒蛋白同官燕都多到一個點，真係未試過前菜都已經食到半飽，官燕嘅甜美加炒到勁滑同勁靚嘅蛋白，好完美。
來到阿翁，當然要食靚嘅鮑魚，28頭吉品鮑伴菜遠，鮑魚當然係重點，但我覺得佢最正係佢個醬汁，可惜佢嘅餐牌冇得送一個撈麵，相信鮑魚撈粗再加醬汁應該係最完美嘅配搭，餐廳應該考慮吓加呢個item。
每次食呢個珊瑚百花釀花膠，又大塊又厚身嘅花膠，真係要用刀叉切先至好味，而且佢嘅外層釀左好新鮮嘅蝦肉，呢個同吉品鮑一樣一定要食，而家好容易食飽你。
你以為係普通魚，但香芹蘿蔔海斑卷其實加咗唔少心思，魚肉鮮甜，加咗蘿蔔之後嘅湯更加甜到入心，呢個就好似幫你清洗一下味蕾咁。
食得出佢嘅鑊氣同火侯就有招牌脆皮炸子雞，炸得好靚，而且雞肉係好鮮嫩。
方魚炒芥蘭仔同鮑魚汁瑤柱炒飯，前者係個咁靚嘅menu相對冇咁特別，後者嘅瑤柱炒飯就真係炒得粒粒靚。
甜品有凍金瓜布甸同千層棗皇糕，又係非常熱鬧的甜品組合，個人喜歡棗皇糕的甜度，絕對食到中式師傅對甜品嘅堅持同細緻。
如果你未去過呢間餐廳食飯，$1680一位絕對係你認識呢間餐廳嘅好機會，聽講都係限定時間，要試就快。
張貼
