阿芳上海餛飩

營業中

休息中

今日兩個人喺佐敦白加士街搵嘢食，見到有間朝牌大大隻字寫住上海雲吞，燈光又光猛於是入去試下。 入到去啱啱有張二人枱唔洗等位，我哋叫咗一個白菜豬肉雲吞招牌套餐，同一個白菜豬肉雲吞興食餐配醉轉彎，我哋兩個都係配湯年糕。 首先醉轉彎送上，兩隻凍嘅醉雞雞翼，醉雞味好濃，層皮因為係凍嘅關係好爽好彈牙。 五分鐘後，兩碗白菜豬肉雲吞湯年糕分別送上，每粒白菜豬肉雲吞都好大粒，大碗有六粒，細碗有四粒，入面豬肉同白菜大約係73比，粒雲吞好鮮甜同個皮好薄，而年糕都好煙韌有咬口，個湯味道唔太濃。