海老名沾麵

營業中

休息中

星期六，朝早12:15pm去到海老名，剛剛好趕到最後兩碗限定蠔拉麵。落完單都等咗差唔多半個鐘先至有得食，等嘅時候就見到佢點煮，見到真係好多步驟落足心機！小食上菜喇，成碗麵熱辣辣，有好香嘅柚子味。湯底係偏甜嘅，但係又唔係好係蠔嘅鮮味，反而我覺得係肉嘅味道多啲，然後柚子味都好重，同平時食鹹嘅拉麵係明顯唔同。鍾唔鍾意就真係好個人，我自己鍾意柚子味又好甜所以我覺得好好食。湯底好濃，面係偏粗，配料有蔥、蠔、海苔、肉碎同味蛋，蔥煎到好香，入口仲好熱，蠔一啲都唔惺，肉碎帶甜同埋增加口感，味蛋有啲偏生，略嫌唔夠味。絕對係落足心機整嘅一碗麵。