影片
更多
2023-05-22
950 瀏覽
今晚約左朋友係尖沙咀打邊爐，得知「胡爐」於OpenRice訂座兩位會送一隻青龍蝦，反正本身無咩Preference，見咁抵一於就試下。但唔知優惠做到幾時，訂座前可自己查閱最新優惠資訊。招牌鮮椰青雞鍋 ($298): 店員會係你面前加入料酒，然後將雞件爆炒，再加入原個鮮椰青水及以金華火腿和鮮雞餚製嘅雞湯。建議進食前先飲幾碗雞湯，湯頭非常鮮甜，亦帶咸香，濃郁得黎又唔膩，同一般餐廳嘅味精雞湯完全唔同。另外，雞件夠滑唔柴，亦有肉味 (唔係煲完湯無味果種)。青龍蝦 (訂座贈送): 贈送嘅都唔會Expect好大隻，但去街市買點都要過百蚊掛。青龍蝦新鮮，灼幾分鐘就食得，其肉質爽彈，肉汁豐富，蝦膏唔多，但幾鮮甜。胡爐牛拼盤 ($398): 共有五款牛肉，分別係極上手切牛頸脊、安格斯手切肥牛、牛胸爽、牛舌芯、霜降牛粒。牛肉新鮮，色澤血潤，整體都算好食。牛頸脊牛味偏濃郁，油脂比例適中，幾香口；安格斯手切肥牛油香較重，肉質較嫩滑；牛胸爽口感爽脆，輕灼數秒即可享用。胡爐手打五寶丸: 分別有芝心蝦丸、黑松露墨魚丸、墨丸魚、手打香茜炸菜牛丸、梅豬肉丸。肉丸爽口彈牙，蝦丸鮮味之餘，特別爽滑；黑松露墨魚丸有松露香之餘
招牌鮮椰青雞鍋 ($298): 店員會係你面前加入料酒，然後將雞件爆炒，再加入原個鮮椰青水及以金華火腿和鮮雞餚製嘅雞湯。
建議進食前先飲幾碗雞湯，湯頭非常鮮甜，亦帶咸香，濃郁得黎又唔膩，同一般餐廳嘅味精雞湯完全唔同。另外，雞件夠滑唔柴，亦有肉味 (唔係煲完湯無味果種)。
青龍蝦 (訂座贈送): 贈送嘅都唔會Expect好大隻，但去街市買點都要過百蚊掛。青龍蝦新鮮，灼幾分鐘就食得，其肉質爽彈，肉汁豐富，蝦膏唔多，但幾鮮甜。
胡爐牛拼盤 ($398): 共有五款牛肉，分別係極上手切牛頸脊、安格斯手切肥牛、牛胸爽、牛舌芯、霜降牛粒。牛肉新鮮，色澤血潤，整體都算好食。
牛頸脊牛味偏濃郁，油脂比例適中，幾香口；安格斯手切肥牛油香較重，肉質較嫩滑；牛胸爽口感爽脆，輕灼數秒即可享用。
胡爐手打五寶丸: 分別有芝心蝦丸、黑松露墨魚丸、墨丸魚、手打香茜炸菜牛丸、梅豬肉丸。肉丸爽口彈牙，蝦丸鮮味之餘，特別爽滑；黑松露墨魚丸有松露香之餘，味道唔會太濃烈；香茜炸菜牛丸幾鮮味，食落仲有炸菜粒，口感爽脆。
張貼
