影片
更多
2024-08-19
838 瀏覽
最近喺社交平台見到佐賀燒肉谷推出咗個優惠，為咗慶祝香港運動員喺奧運獲得金牌，而家凡點選LV 3或以上就會送A4日本和牛嫩肌壽喜燒一份，每位仲送Sapporo生啤。我同老公見到呢個優惠就二話不說去幫襯下。 餐廳有4個級別嘅餐，我哋揀咗Lv3- 澳洲和牛海鮮放題，有128款食品，可以免費暢飲Sapporo生啤加清酒，任飲任食120分鐘。 呢期餐廳仲推出水果夏祭，有多款用水果入饌嘅菜式，包括水果醬封門柳壺漬、 水果醬醃花魷魚、 朱古力棉花糖香蕉船、 椰青糯米糍、 貓山王榴槤刈包、 日本香脆蕃薯、 榴槤炸彈、呂宋芒雜果沙律， 自助區方面亦有檸檬可樂雞翼、 山賊汁火龍果炒牛肉。其中呂宋芒雜果沙律用上新鮮嘅呂宋芒，份量十足，味道鮮甜，喺燒肉之前作為開胃菜絕對係一個唔錯嘅選擇。 雜果醬封門柳壺漬混合咗日本柚子、蘋果、奇異果、檸檬而製成嘅醬汁，味道酸甜清新。 首先職員先送上第一輪燒肉同海鮮， 燒肉用個木梯裝住，儀式感滿滿😍，包括有美國牛胸腹肉、嚴選牛肩里肌、特選牛小排、牛舌、美國和牛肩胛肉眼、澳洲穀飼原塊牛板腱、澳洲和牛、澳洲和牛特上。牛肉質素逐級而上，我哋都順住次序咁燒，當然最好質素係澳洲和牛、澳洲
最近喺社交平台見到佐賀燒肉谷推出咗個優惠，為咗慶祝香港運動員喺奧運獲得金牌，而家凡點選LV 3或以上就會送A4日本和牛嫩肌壽喜燒一份，每位仲送Sapporo生啤。我同老公見到呢個優惠就二話不說去幫襯下。
餐廳有4個級別嘅餐，我哋揀咗Lv3- 澳洲和牛海鮮放題，有128款食品，可以免費暢飲Sapporo生啤加清酒，任飲任食120分鐘。
呢期餐廳仲推出水果夏祭，有多款用水果入饌嘅菜式，包括水果醬封門柳壺漬、 水果醬醃花魷魚、 朱古力棉花糖香蕉船、 椰青糯米糍、 貓山王榴槤刈包、 日本香脆蕃薯、 榴槤炸彈、呂宋芒雜果沙律， 自助區方面亦有檸檬可樂雞翼、 山賊汁火龍果炒牛肉。
其中呂宋芒雜果沙律用上新鮮嘅呂宋芒，份量十足，味道鮮甜，喺燒肉之前作為開胃菜絕對係一個唔錯嘅選擇。
雜果醬封門柳壺漬混合咗日本柚子、蘋果、奇異果、檸檬而製成嘅醬汁，味道酸甜清新。
首先職員先送上第一輪燒肉同海鮮， 燒肉用個木梯裝住，儀式感滿滿😍，包括有美國牛胸腹肉、嚴選牛肩里肌、特選牛小排、牛舌、美國和牛肩胛肉眼、澳洲穀飼原塊牛板腱、澳洲和牛、澳洲和牛特上。牛肉質素逐級而上，我哋都順住次序咁燒，當然最好質素係澳洲和牛、澳洲和牛特上，肉質嫩滑，油脂感重，入口即溶嘅感覺。
海鮮方面有大海老、原隻鮑魚、青口、日本原隻生蠔、法國黃金螺、原條魷魚筒、照燒帆立貝、一夜干等等，而且都好新鮮，食多幾隻鮑魚都回晒本。
之後職員就送上A4日本和牛嫩肌壽喜燒，職員會幫手燒，呢個A4日本和牛嫩肌真係無得頂，細緻而精美嘅霜降脂肪，非常吸引，牛味濃郁，質感柔軟細膩，再點埋個雞蛋醬油，真係perfect。
除咗和牛，仲可以透過QR code落單，有豚肉、雞肉、海鮮、沙律、日式料理、蔬菜、飯麵湯等。大家亦不妨試下日本和牛炒麵，可以自己DIY，玩味感十足。先加入牛油，再煎香牛肉同埋加入洋蔥和三色椒，最後灑上醬汁便可，香氣四溢。
自助吧都有各式飲品同甜品。食完燒肉可以燒下菠蘿同埋銅鑼燒。
甜品方面有士多啤梨味同蜜瓜味雪糕，仲可以加自己鍾意嘅toppings。
張貼
