曲奇四重奏 (已搬遷) 新店位置

呢間野以蝴蝶酥出名。但好老實講，非常普通。你地可以去老牌街坊餅店「金雅餅店」買個平平地嘅蝴蝶酥，兩家一比較，恕我真係食唔出「曲奇四重奏」有乜優勝之處。其實大把地方做得好過「曲奇四重奏」，只係名人效應。至於「曲奇四重奏」嘅曲奇就更加物非所值，我建議大家不妨去Jenny Bakery 買盒曲奇試試，真係好食到一口接一口，而且價錢仲平過「曲奇四重奏」。我喺「曲奇四重奏」買咗包腰果曲奇，十幾塊要成七十蚊，可能我食過Jenny Bakery嘅曲奇，一比之下「曲奇四重奏」相形見絀。我認為「車厘哥夫」嘅曲奇亦遠遠在「曲奇四重奏」之上。比得起咁嘅價錢不如去 Mrs. Fields Cookies 度買仲好食。我要強調「曲奇四重奏」嘅曲奇蝴蝶酥唔難食，但絕對稱唔上好食，再加上咁嘅價錢就更加係唔值。