牛八両 (已結業)

主打牛肉嘅火鍋係相當吸引，二人餐538有8款共八兩嘅牛肉。價錢係唔算抵㗎啦，但啲牛肉係無令人失望。雖然每款得4件，但牛肉味濃，每款都有特別之處。確係幾好。但很很很令人失望嘅係……淥菜嘅時候，個煲入面多咗隻…烏蠅😑😑於是即刻叫經理換過煲湯俾我哋啦。之後我好認真咁望下啲菜，發現啲小棠菜仲有好多泥，好污漕……換過煲新嘅湯底之後，餐廳經理無再嚟過，亦無加返啲菜俾我哋。不過都算啦，有泥嘅菜你俾我都唔敢食😨😨最後想講下個收費…埋單嘅時候，收銀好有禮貌咁問我洗唔洗睇下張單先，睇過先知張單比原本多咗140蚊😰😰睇咗先又點，我都食完曬，都要俾㗎啦…如果係我食之前俾我清楚知道個收費，我個感覺就無咁搵笨囉🙂🙂總之呢餐就好失望啦~成七舊水，至少我唔預期會有烏蠅同泥……最後附上收據，謝謝耐心閱讀🙏🏻🙏🏻