霸王山莊

營業中

休息中

真係由細同婆婆食過的霸王山莊，荃灣分店結業後都冇再食，前排行去尖東途中竟然畀我發現尖沙咀原來仲有間分店，食完真係令我諗起童年回憶，今日就帶爸爸黎再食過。menu原來有唔少素食，素友可以多個選擇了。🥘首先就叫左北京烤鴨（半隻） $238，首先提提大家一定要趁熱食，鴨皮咬落去卜卜脆一啲都唔油，鴨肉嫩嫩的，配搭煙韌有咬口的餅皮同青瓜、烤鴨醬和韮黃食，非常好味🤤🥘糖醋松子桂魚 $249雪白魚肉外脆內嫩，廚師已將魚骨去曬，絕對唔怕會啃到骨，伴以酸甜開胃的糖醋汁，同大量的蕃茄粒、洋蔥粒同三色椒，色彩繽紛得黎睇得又食得，如果味道可以再多啲酸就perfect！🥘老重慶擔擔麵 $72掛住影相的我就後先試呢個麵，除左份量好大好抵食！攤凍左啲麵索曬湯汁竟然更掛汁，花生醬口感更醇厚濃稠，必食推薦。🥘霸王小籠包 ($55)小籠包共有四舊，包外皮薄得黎入面竟有非常juicy的，咬下豬肉係新鮮，啖啖絕對都係精華！**每位茶芥$15。